Provediment d'aua Caischavedra

Cun il project dil provediment d'aua Caischavedra vegn la zona per baghetgs turistics a Caischavedra colligiada da niev cun in aquaduct public sco gia previu enteifer il plan general pil provediment d'aua.

Entras la construcziun da quei aquaduct sa la Spina da Vin

• garantir per ils stabiliments a Caischavedra la reserva da fiug e la furniziun cun aua da fiug tenor prescripziuns dalla polizia da fiug
• furnir aua da beiber per Caischavedra tenor las pretensiuns da qualitad d'ozildi
• furnir aua per igl implont d'enevar dallas pendicularas

Il project preveda la retratga da l'aua dallas tschaffadas a Lag da Tgauns. Il reservar cun la reserva da fiug e da diever vegn installaus a Lag da Tgauns per aschia evitar da stuer schar circular aua a Caischavedra. Aschia savein nus era vinavon menar tut l'aua che vegn buca druvada a Caischavedra el conduct existent dalla Val Acletta. Quei ei stau in punct central tier la planisaziun, per buca piarder prestaziun tier nossas ovras electricas da Pardi e Sax.

Cun quei project savein nus il medem mument remplazzar ina part dalla lingia da transport da Lag da Tgauns a Tiolas, la qualla datescha dils onns 1930 ed ha aschia gia survargau il temps da nez ordinari per lingias da ghisa.

Plan da situaziun Caischavedra-Lag da Tgauns