Radunonza generala 2020

En consequenza dallas ordinaziuns pertuccont la pandemia Coronavirus COVID-19 sa la radunonza generala 2020 buca vegnir menada atras pil mument. Tenor art. 14 dils statuts sto la radunonza generala vegnir convocada silmeins inaga ad onn el decuors dall’emprema mesadad digl onn. Ils responsabels dalla corporaziun vegnan ad informar a temps entras il Fegl ufficial dalla Surselva.

Il rapport annual 2019 san ins cargar giu cheu e vegn supplementar era repartius ellas casadas entuorn Pastgas.

Coronavirus

Informaziun pertuccont l’aua da beiber: Aqua & Gas


Beinvegni

La Corporaziun d’aua Spina da Vin ei in’organisaziun da dretg public ed ei responsabla per il provediment d’aua dalla gronda part dalla vischnaunca da Disentis/Mustér. La Spina da Vin ha l’incumbensa da furnir sufficientamein aua da beiber, da diever e stizzar fiug per il territori colligiau. Las 35 tschaffadas furneschan aua d’emprema qualitad che corrispunda allas strentgas prescripziuns legalas, e quei senza tractaments spezials.  

Sper il provediment d’aua posseda la Spina da Vin treis ovras hidraulicas, las quallas nezegian la gronda differenza d’altezia denter il territori dallas tschaffadas ed ils reservuars. Per saver garantir da tut temps la segirtad da provediment basegna ei in menaschi modern. Igl ei indispensabel da menar atras in sistem da controlla rigurus e dad investar cuntinuadamein en la vasta infrastructura dil provediment d’aua.

Aua da beiber schubra ei la victualia la pli preziusa. Ins sa buca appreziar avunda quei scazi che flessegia di per di en surabundonza ord nos cuolms.

Pichet 24 uras

Corporaziun d'aua Spina da Vin // 081 947 47 88
info@spinadavin.ch // Impressum